Nagpaandam sa publiko ang bise alkalde sang ciudad sang Bacolod matapos nga may nagclone sa iya nga Facebook Account nga nagapakilala nga siya kag nagapangutang sa iya mga kakilala.
Sa interview sang Bombo Radyo kay Bacolod Vice Mayor El Cid Familiaran, may naggamit sang iya nga picture kag nagpakuno-kuno nga siya nga nagapadala sang mga friend request kag nagapanghulam sang kwarta.
Naglahog ang bise alkalde sa FB post sini nga siya ang magapaidalum sa hair transplant kag ini ginagamit sang clone account agud manghulam sa kwarta sa mga kakilala sang bise alkalde.
Nagpaandam ini sa iya nga mga facebook friends kag abyan nga indi magpati sa pagpangscam sang fake account.
Sa karun, naka-private na ang account sini kasubong man nga iya ginbuhinan ang iya mga friends sa social media.
