Nakig-unong ang bise alkalde sang Escalante City sa pamilya ni Private First Class Jhon Rey Brasil nga napatay sa engkwentro sa tunga sang 79th Infantry Battalion sang Philippine Army kag Northern Negros Front sang New People’s Army sa Barangay Tamlang, Escalante City, Negros Occidental, sang Hunyo 1.
Sa intrerview sang Bombo Radyo kay Vice Mayor Rogelio Prietos, ginakasubo sini ang natabo bangod sang tinalikdan lamang nagluntad ang engkwentro sa Toboso.
Apang sa pihak sini nagpasalamat ini nga wala gindayon sang mga NPA ang ila pamahog sang nakaligad nga maghimo sang gamo sa kapiyestahan sang ciudad.
Suno kay Prietos, sang natabo ang engkwentro sang Lunes, wala maayo nakapenetrate ang militar bangod may duha ka balay sa area kag ang mga NPA nga ila naengkwentro nagdalagan palapit sa mga balay.
Ginakasubo sini ang natabo kay Brasil nga lamharon pa sa edad nga 29 apang ginbawian sang kabuhi.
Mahibaloan nga igalubong si Brasil sa Hulyo 01.
Samtang, aminado man si Prietos nga NPA infested gid man ang area amo nga ginapahanumdom sini sa mga pumuluyo nga magulu-aligmat.
