Bise Presidente naghatag sang mensahe para sa bag-ong tuig

Naghatag sang mensahe si Vice President Sarah Duterte sa mga Pilipino para sa Bag-ong tuig.

Sa iya mensahe, ginpahayag sini nga ang ang bag-ong tuig ang mangin isa ka sinugdanan sang bag-o nga paglaum, kakusog kag determinasyon.

Gina-agda sang Bise Presidente ang katawhan nga isikway ang bisan ano nga kahadlok kag pagpangduha-duha.

Suno sa iya, ang tagsa ka Pilipino ang may yara sang kusog agud atubangon kag malumpuwasan ang mga kabudlayan sa kabuhi.

Gindugang pa sini nga sa tagsa ka kabudlayan, ang pungsod ang nagagwa nga mas mabakod kag mas preparado sa masunod.

Ginhatagan man niya sang importansya ang pagkahiusa sang pungsod bilang isa ka dalan sa pag-uswag.