Nagapangabay si Bishop Gerardo Alminaza sang Diocese of San Carlos nga dapat mapuslanon nga regalo ang ihatag subong nga Paskwa.
Sa Christmas message sini, ginpahayag ni Alminaza nga maayo gid nga pamalandungan ang mga regalo ukon blessings nga nabaton na kag pagabatunon pa.
Apang, indi gid dapat pagkalimtan ang ginhatag nga regalo sang Diyos sa nagtuga kag nagluwas sa tanan.
Dugang pa sini, dapat mapuslanon nga regalo ang ihatag sang ginikanan sa ila mga anak bangud ang mga materyal nga bagay ang madasig nga madula lamang.
Suno pa kay Alminaza, indi man mapuslan ang mga regalo nga mabaton kun ang present ecological crisis ang indi matapna.
Nagalaom ini nga sini nga Paskwa, ang mabaton nga ‘lasting gift’ sang mga Negrense amo ang mapabilin nga coal-free ang Negros Occidental kag mangin renewable capital of the Philippines sa Southeast Asia.
