Nagapaidalom sa karon sa quarantine kag treatment ang obispo sang Diocese of San Carlos matapos nga magpositibo sa COVID-19.
Sa ginpagwa nga statement sang Catholic Bishops Conference of the Philippines, gin-anunsyar ni Bishop Gerardo Alminaza nga positibo ang resulta sang iya nga COVID test.
Suno diri, ginpahanugutan sang Makaako nga malakip siya sa mga infected sang virus, apang iya ginpasiguro nga ginahatagan ini sang best possible medical attention nga available.
Naghingyo naman ang 61-anyos nga obispo sang pangamuyo para sa madasig niya nga pag-ayo.
Naghalad man ini sang pangamuyo sa iban nga mga pasyente kag subong man sa mga frontliners.
Si Alminaza ang temporaryo nga pagabuslan sang vicar general sang Diocese of San Carlos nga si Msgr. Erwin Magnanao.
Si Alminaza ang ika-11 nga Filipino bishop nga nagpositibo sa COVID-19.
