Nagapasalamat gid si Bishop Patricio Buzon sang Diocese of Bacolod sa city government sa pagtugot sang hingyo sang simbahan nga panubuan ang curfew hours agud makapatigayon sang Simbang Gabi.
Sa interview sang Bombo Radyo Bacolod kay Buzon, ginpahayag sini nga bangud sa pandemic, indi makahiwat sang nakaandan kag tradisyunal nga Misa Aguinaldo apang bangud naidog sa alas-11:00 sa gab-i tubtob alas-3:00 sa kaagahon ang curfew, may yara sang tatlo ka schedule ang Misa Aguinaldo nga nagsugod kahapon sang hapon tubtob Disyembre 24.
Suno kay Buzon, may yara sang alas 5:15 nga anticipated mass kag may yara man sang schedule para sa alas 3:30 kag alas 5:00 sang kaagahon.
Suno kay Buzon, naghingyo mismo ang Catholic Bishops Conference of the Philippines nga pahanugutan ang Simbang Gabi agud labi nga mapabakod ang pagtuo sang mga Pilipino sa tunga-tunga sang COVID pandemic.
Iya man ginpasiguro nga ginapatuman sang simbahan ang tanan nga health protocols nga ginamandu sang gobyerno agud malikaan ang COVID transmission.
