Padayon ang pagkoordinar sang Bureau of Jail Management and Penology (BJMP) sa mga educational institution para mahatagan sang oportunidad ang mga Persons Deprived of Liberty (PDLs) nga luyag magbag-o kag mahatagan sang tsansa nga mangin produktibo sa komunidad.
Sa interview sang Bombo Radyo Bacolod kay Jail Senior Inspector Atty. Juniven Umadhay, spokesperson sang BJMP – Negros Island Region (NIR), nagahatag ang BJMP sang oportunidad ukon second chance sa mga PDLs bangod para sa ila ang pagsulod sa presohan indi upang para sa ila nga malab-ot ang ila handom.
\Suno diri, sa bug-os nga Pilipinas, madamo na nga PDLs ang naggradwar kun sa diin iban nangin BJMP officers samtang iban naman nakakita sang trabaho sa gobyerno kag private sectors.
Pahayag ni Umadhay, dako nga butang nga makagradwar ang mga PDLs agud mahatagan sila sang tsansa sa pagbag-o.
