Black box recorder sang nagcrash nga passenger plane sa India nga nagpatay sang 265, narecover na

Nakarecover ang mga imbestigador sang isa ka black box recorder nagikan sa crash site sang Biyernes sang isa ka London-bound passenger jet nga nagcrash sa residential area sang Ahmedabad, India nga gintunaan sang kamatayon sang kapin 265 ka mga persona on board kag sa ground.

Ang Air India Boeing 787-8 Dreamliner ang nagpagwa sang isa ka mayday call antes ini nagcrash sang lunchtime sang Huwebes matapos naglift kapin 100 meters nagikan sa ground.

Sa 242 ka mga pasahero kag crew, isa lamang ang nakaluwas.

Suno kay Deputy Commissioner of Police Kanan Desai, 265 ka mga bangkay ang narecover na, nga nagasuggest nga indi magnubo sa 24 ang nagkalamatay sa ground.