Nagalaom ang isa ka manunudlo sa Rizal Elementary School sa ciudad sang Bacolod nga makabulig sa nagakinahanglan ang gindonate sini sang dugo sa Dugong Bombo.
Sa interview sang Bombo Radyo Bacolod kay Dhezie Bayonita, nagapasalamat ini nga nangin successful sa karun ang pagdonate sini sang dugo bangud nakaattempt na ini sadto nga magdonate apang wala ini nangin madinalag-on bangud sa pila ka factors.
Suno kay Bayonita nga ang dugo sini nga Blood Type O ang RH negative nga rare suno sa staff sang Philippine Red Cross.
Nahibaluan nga ang (O-) ang ginakabig universal blood type kag sarang madonar sa bisan ano nga blood type.
Samtang ang Blood Type nga (O+) ang sarang naman nga madonar sa tanan nga RH positive, apang indi pwede sa mga RH negative.
Suno diri, bangud nga wala man siya sang pamilya nga yara sa ospital kag ginapasalamatan niya ini, igahatag na lamang niya sa nagakinahanglan ang gindonate niya nga dugo kag nagalaom siya nga makabulig gid ini.
Ginpahayag man sini nga dapat kun magdonate nakacondition gid ang lawas agud nga mangin successful blood donor bangud antes pa man makadonate may yara sang maagyan nga mga procedures.
Dugang pa sini nga manami sa pamatyagan nga makadonate sang dugo kun sa diin isa ka paagi nga makabulig sa mga nagakinahanglan.
