455 tanan ka mga blood donors ang madinalag-on nga nakadonar sang dugo sa Dugong Bombo 2023: A little pain, a life to gain blood letting activity sang Bombo Radyo kag Star FM nga gindul-ong sa inyo sang Bombo Radyo Philippines, Bombo Radyo Philippines Foundation Incorporated, in partnership sa Philippine Red Cross, nga ginpatigayon sa City Mall Mandalagan, kahapon.
Sa interview sang Bombo Radyo kay Vina Jane Montero, donor recruitment officer sang Philippine Red Cross- Bacolod City Chapter, dako ang iya pagpasalamat sa liwat nga pagabalik sang blood letting activity sang Bombo Radyo kiag Star FM nga nag-untat sang tuig 2019 bangod sa COVID 19 pandemic.
Suno diri, nangin matawhay ang ginpatigayon nga activity kun sa diin masobra sa 500 ang nakaparegister kag 455 diri ang nangin successful blood donors samtang ang iban naman ang wala nakapatigayon nga makadonar sang dugo bangod nga wala nakapasar sa requirements.
Tuman ang pagpasalamat ni Montero sa tanan nga nagpartisipar nga nagpakita sang ila luyag nga magbulig.
Naghatag man ini sang mensahe sa mga wala nakadonar nga mangin healthy para makadonate sa masunod nga tion para mabuligan ang mga nagakinahanglan.
Gin-agda sini ang tanan nga maghanda sa liwat nga pagkit-anay sa masunod nga tuig nga Dugong Bombo 2023 blood letting activity sang Bombo Radyo kag Star FM.
Samtang, tuman ang kalipay ni Francis Bernard Guancia, quality assurance officer sang Philippine Red Cross- Bacolod City Chapter nga masobra pa sa ila gin-ekspektar ang nakigbahin sa blood letting activity.
Sa interview sang Bombo Radyo kay Guancia, masobra sa 500 ang tanan nga naglabay sa screening nga sobra- sobra sa ila nga gin-ekspektar kun sa diin 455 ang natigayon nga nangin successful blood donor nga masobra man sa gihapon sa ila ginalauman.
