15 na ka tuig nga nagadonar sang dugo ang maukod nga tagpalamati sang Bombo Radyo Bacolod sa tagsa nga patigayunon ang Dugong Bombo.
Sa interview sang Bombo Radyo Bacolod kay Leonard Malalu-an, 41-anyos kag residente sang La Carlota City, ginpahayag sini nga ini na ang ika-15 ka tuig nga pagdonar sang dugo sa Dugong Bombo bangud nagsugod siya sa pagdonate sang tuig 2005.
Si Malalu-an ang isa ka research assistant sa isa ka agricultural agency sa La Carlota City kag suno sa iya, nangin panaad niya na nga magdonar kada tuig.
Ginpahayag niya man nga sugod sang nagdonar siya sang dugo, wala ini nakaagi masakit kag ginapangita na sang iya nga lawas ang pagdonate sang dugo.
Suno sa iya, samtang may yara siya sang dugo nga pwede mahatag, handa gid siya nga magbulig.
Aminado man si Malalu-an nga dako ang nabulig sang programa nga Dugong Bombo bangud maayo gid ang nangin epekto sang iya nga pagdonate sa iya nga panglawason.
Suno sa iya, mas manami sa balatyagon ang nagabulig sangsa siya ang bululigan.
