Nagasimpatya ang miyembro sang Board of Directors sang Central Negros Electric Cooperative (Ceneco) sa panawagan sang Ceneco Union of Rational Employees (CURE) nga mahatag ang ila nga Collective Bargaining Agreement (CBA), apang indi ini kompormi sa pagpatigayon sang strike.
Suno kay Fr Ernie Larida, nagasimpatya sila sa kahimtangan sang mga empleyado sang Ceneco bangod deretso sang mga ini nga magpangayo sang benipisyo nga ila man gintrabahuan.
Gani matapos sang dialogue sang management kag CURE, kun sa diin imbetado man ang Board of Directors, gilayon man sila nga nagpagwa sang Board Resolution nga naga-aprubar sa mga ginapangayo sang empelyado.
Sa nasambit nga dialogue, nagpahayag ang finance department sang Ceneco nga indi sila makahatag sang budget bangod kilang ang finances sang kooperatiba.
Ginpahayag sang finance department nga kun mapasanyog ang collection efficiency sang mga empleyado sa 97 tubtob 100 porsyento gikan sa mga member consumer mahatag ang ginapangayo nga benipisyo.
Nahibaluan nga santo sa data, yara lang sa 92 porsyento ang koleksyon sang Ceneco.
Bangod wala sang napartinisir nga pondo para sa CBA, ang mga ini ang nagpadala sang supplemental budget sa National Electrification Administration (NEA).
Sabat naman sang NEA nga mahatag ang ginapangayo kun mahimo malabg-ot sang Ceneco ang 95 porsyento nga collection effeciency.
Nahibaluan nga ang koleksyon sang Ceneco ang ginatunga pa sa generator sang power supply, National Grid Corporation of the Philippines (NGCP) kasubong man ang sweldo sa empleyado. Samtang, nagpasalig ang miyembro sang Board of Directors sang Central Negros Electric Cooperative (Ceneco) nga mahatag gid kag indi madula ang Collective Bargaining Agreement (CBA) sang Ceneco Union of Rational Employees (CURE) bangod ini ang may board resolution kag pirmado na sang board of director, management kag mga empleyado.
Paathag ni Fr Ernie Larida nga indi solusyon ang pagstrike kasubong man ang pagpangita sang bulig sa iban sa tinutuyo nga gub-on ang Ceneco.
Panawagan sang pari nga dapat pungkuan ang problema agud nga makahuman sang solusyon nga tanan ang daog.
Dugang pa sini nga blessed ang mga Ceneco employees bangod kun ipaanggid sa iban nga empleyado, mas mataas ang sweldo sang mga ini magluwas pa sa mga benipisyo.
Naluoy man ini sa mga empleyado nga wala pa makabatun sang benepisyo nga ila gintrabaho, apang pahanumdom sini nga ang Ceneco ang iya ka non-profit cooperative.
Pahayag sang pari nga sa kooperatiba, ang pumuluyo amo ang boss.
Apang sa tion nga magstrike ang mga CURE members, wala sang magasabat kag magaresponder inkaso nga may emerhensya.
Kaangay naman ini sa pagguba sa ila mga promisa nga magaserbe sa mga pumuluyo.
Aminado naman si Fr Larida nga bukas ang CURE sa staggard payment apang sa karun nagaayo ang management bangod wala ang mga ini sang mahatag.
Pasalig naman sini nga indi madula ang mga benipisyo kag ini ang mahatag gid sa tanan nga miyembro sang CURE.
Ginpromisa man ni Fr Larida nga ang Board of Director ang nagapamati sa management kag CURE.
Ginpanugyan ni Fr. Larida nga agud nga mahatag ang hingyo dapat nga sundon ang request sang National Electrification Administration (NEA) nga 95 porsyento sang koleksyon.
