Bodega sa Barangay Taculing, nasunog kaina sang aga

Nasunog ang isa ka bodega sa Rosario Heights Brgy. Taculing ciudad sang Bacolod kaina sang aga.

Wala naman nagdako ang kalayo sa bodega nga may unod nga mga harina, bihon, ahos kag patis.

Nahibaluan nga nagsugod ang sunog sa nagsimpon nga labhang kag sinapiyuhan sang kahoy.

Ginapanag-iyahan ni Augusto Chua ang nasambit nga bodega.

Wala na nagdako ang kalayo bangud mismo ang mga tinawo sang bodega ang nagbinuligay sa pagbasya sang tubig agud indi na magdako ang sunog.