Liwat na naman nga ginpasidunggan ang Bombo Radyo Bacolod bilang BEST AM RADIO OUTLET OF THE YEAR sa Bilib Awards sang University of Saint La Salle.
Makapila na ka beses nga nakuha sang Bombo Radyo Bacolod ang award sa tuigan nga Bilib Awards sang USLS nga sa karun yara na sa ika- 25th edition.
Ang Bombo Radyo Bacolod napilian paagi sa survey nga ginpatigayon sang mga estudyante sang USLS.
Ginbaton ni Bombo Erlyn Bayonita- Arroyo, assistant station manager sang Bombo Radyo Bacolod, ang award kagab-i kag sa speech sini, ginakabig sang Bombo Radyo Bacolod nga inspirasyon ang nabaton nga pasidungog.
Nagbilin ini sang mensahe nga indi magpadala sa fake news kag magpadayon sa pag-upod sa Bombo Radyo Bacolod.
Sa karun ang Bombo Radyo Bacolod indi lamang mabatian sa radyo apang kasubong man sa Facebook kag Youtube kag indi lamang sini sakop ang ciudad sang Bacolod kag Negros apang nalab-ot na sang estasyon ang Siquijor, bilang kabahin sang Negros Island Region.
