Pila ka mga awards ang nakuha sang Bombo Radyo kag Star FM Bacolod kadungan sang Tingog kag Handurawan Awards sang Kapisanan ng mga Brodkaster ng Pilipinas – Negros Occidental Chapter kagab-i.
Ginpasidunggan si Bombo Mary Divine Grace Cuello, station manager sang Bombo Radyo Bacolod kag newscaster sa Bombo News and Views Morning Edition, bilang Female News Presenter of the Year; Best Male Program Presenter si Bombo Pons Espino, anchorman sang Zona Libre; samtang nakakuha naman sang special award for broadcast engineering si Bombo Joselito Pagayon, ang chief technician sang Bombo Radyo Bacolod.
Samtang nakuha naman sang Star FM Bacolod ang Best Entertainment Program for FM para sa Perfect Countdown kag Best Radio Drama-FM Category para sa drama nga Messiah.
Kadungan sang awards night, nag-oath taking man ang bag-o nga mga officers sang KBP Negros Occidental Chapter.
