Liwat nga ginpamatud-an sang Bombo Radyo Philippines ang abilidad sini sa patag sang pagwaragwag matapos magdaog sa 29th Golden Dove Awards sa Kapisanan ng mga Brodkaster ng Pilipinas (KBP).
Kalakip sa mga nagdaog ang Star FM Bacolod bilang Best FM Radio Station – Provincial.
Winner man ang Bombo Radyo Roxas para sa Best Radio Station Promotional Material.
Kag kinikala naman ang Bombo Radyo Koronadal bilang Best Sports Program.
Ang KBP GOLDEN DOVE Awards ang tuigan nga awarding sang Kapisanan ng mga Brodkaster ng Pilipinas nga nagakilala sa mga programa, personalidad, istasyon, kag production work sa broadcasting.
Ang mga finalist amo ang:
-Bombo Radyo Iloilo para sa Best AM Radio Station – Provincial
-Star FM Manila para sa Best FM Radio Station – Metro Manila
-Bombo Network News para sa Best Newscast – Metro Manila
-Bombo Radyo Cagayan de Oro kag Bombo Radyo Iloilo para sa Best Newscast – Provincial
-Bombo Radyo Cebu para sa Best Special Program
-Star FM Baguio para sa Best Public Service Announcement
-Star FM Baguio para sa Best Radio Station Promotional Material
Ang mga award nga ini ang dugang nga pagkilala sa padayon nga pagtinguha sang Bombo Radyo Philippines nga maghatag sang de-kalidad nga pagbalita, significant nga programa kag serbisyo publiko sa mga Pilipino sa bug-os nga pungsod.
Ang pagkilala nga ini ang mas nangin significant samtang ginasaulog sang Bombo Radyo Philippines ang 60 ka tuig nga Media Excellence anum ka dekada nga pagdul-ong balita, impormasyon kag serbisyo sa bug-os nga pungsod.
Sa idalom sang pagpamuno sang Chairman sang Bombo Radyo Philippines, Dr. Rogelio M. Florete kag President and CEO Margaret Ruth C. Florete, padayon nga gina-promote ang efficiency, balanse kag responsable nga pagwaragwag.
Ginahalad sang Bombo Radyo Philippines ang kadalag-an nga ini sa tanan, sa mga listeners kag supporters nga padayon nga nagasalig kag nagasuporta sa network.
