Ang Dugong Bombo… A Little Pain… A life to Gain ang liwat naman nga nagpakita sang selflessness ukon pagkamabinuligon sang ordinaryo nga Pilipino paagi sa pagtipon sang linibo ka mga blood donors nga handa nga magbulig paagi sa blood donation.
Ang Dugong Bombo ang ginpatigayon sang dululungan sa 24 ka mga lugar sa bilog nga pungsod kun sa diin naga-operate ang 31 ka Bombo Radyo kag Star FM stations.
Kasunod sang handum ni Dr. Rogelio M. Florete, Chairman of the Board sang Bombo Radyo Philippines, nga mapahibalo sa mga ordinaryo nga Pilipino ang epekto sang pagdonar sang dugo sa madamo nga mga tawo sa pungsod, ang Dugong Bombo ang ginakilala nga biggest single day blood-letting program in the country.
Tinutuyo sang Dugong Bombo nga mapataas ang supply sang dugo nga ginakinahanglan sang madamo.
Ang mga nakolekta nga dugo sa nasambit nga project ang sarang magluwas sa kabuhi nga yara sa ital-ital bangod sa dengue disease, kidney failures, mga insidente nga gintuga sang natural and man-made calamities, kag emergency blood transfusion and procedures sa mga hospitals.
Kaupod ang Philippine Red Cross 4,135,500 CC ukon equivalent sa 4,135.50 liters; ukon 1,092.48 gallons ukon kapin 20 drums sang dugo ang gindonar sang 9,190 thousand successful blood donors.
Samtang diri naman sa ciudad sang Bacolod kag probinsya sang Negros Occidental, ang Bombo Radyo kag Star FM ang nakatipon sang 181,350 CC ukon equivalent sa 181.35 liters; ukon 47. 91 gallons ukon 0.87 drums sang dugo ang gindonar sang 403 successful blood donors sa kabug-usan nga 575 registrants.
Sa mga successful blood donors, dako gid ang amon pagpasalamat.
Madamo man kuntani sang mga blood donors ang gusto magpalab-ot sang ila nga bulig apang wala natigayon bangud sa pre-screening requirements sa blood pressure, anemia, alcohol intake, tattoo kag madamo pa nga rason.
Tanan kamo ang mga manluluwas sa inyo kaugalingon nga mga paamagi.
