Ginpasidunggan ang Bombo Radyo Philippines bilang Best Radio Network sa prestihiyoso nga Pro Patria Journalism, isa ka recognition program nga ginapresentar kada tuig sang Rotary Club of Manila.
Ang pasidungog ang ginhiwat kahapon, Hunyo 11, sa Makati City bilang kabahin sang pagselebrar sang Philippine Independence Day.
Base sa citation, ginkilala ang Bombo Radyo sa madugay na sini nga serbisyo bilang “one of the most trusted sources of news and information” kag gindayaw man ang masangkad nga presensya sang Bombo Radyo sa mga Probinsya kag mga programa nga nakatutok sa komunidad nga tayuyon nga nagadul-ong sang nagakaigo nga balita kag serbisyo publiko sa ordinaryo nga mga Pilipino.
Ginsambit man sa pagpasidungog ang importante nga papel sini sa tion sang kalamidad kag krisis, sa diin nagaserbe ini bilang mensahero sang madasig nga impormasyon para sa seguridad sang publiko.
Suno sa citation, ang Bombo Radyo Philippines ang nakatukod sang reputasyon para sa serbisyo publiko kag matuod-tuod nga pag-ulikid sa mga komunidad nga ila ginaserbisyuhan, rason nga nagakadapat gid ini sang pagkilala.
Ang Pro Patria Journalism Awards ang isa sa mga bantog kag respetado nga journalism recognition programs sa pungsod.
Ang tinaga nga “Pro Patria” amo isa ka Latin nga nagakahulugan “For Country,” nga nagapakita sang katuyuan sini nga pasidunggan ang mga jornalista kag mga organisasyon sang media nga nagahatag sang kamatuoran, nagapabaskog sang demokrasya, kag nagaserbisyo sa pumuluyo paagi sa responsable nga journalism.
Ang mga awards ang nagakilala sa mga media practitioners kag mga institusyon nga nagapakita sang pagkapatas, pagkawalay kahadlok, pagkaminatud-on, moral nga responsibilidad, commitment sa hilway nga pagpahayag, kag dedikasyon sa pagpahibalo sa publiko.
Ginpresentar sang Rotary Club of Manila—ang labing una kag pinakadako nga Rotary club sa Asya, nga gintukod sang 1919—ang Pro Patria Journalism Awards ang nangin isa sa mga flagship recognition programs sang organisasyon kag ginakabig nga isa sa pinakaprestihiyoso nga pasidungog sa Philippine journalism.
Para sa BOMBO RADYO PHILIPPINES, ang pagkilala bilang BEST RADIO NETWORK sa Pro Patria Journalism Awards, sang Rotary Club of Manila, ang nagadala sang kahulugan nga mas madalom pa sangsa kadungganan lamang.
Ang “Pro Patria” — ang buot silingon “Para sa Pungsod” — nagapahanumdom sa aton, ilabi na sa BOMBO RADYO PHILIPPINES, nga ang journalism ang indi lamang isa ka propesyon.
Isa ini ka Serbisyo publiko.
Amo ini ang pagdumala sang kamatuoran.
Isa ini ka pagpanindugan sa demokrasya kag para sa mga Pilipino.
Sa masobra anum ka dekada humalin sang gintukod ini sang Hulyo 6, 1966, ang Bombo Radyo Philippines ang nangin masaligan nga kaupod sang mga Pilipino sa panahon sang kadalag-an, krisis, kag pagbag-o.
Ginalakipan ini sang mga eleksyon, mga kalamidad, mga social issues, kag mga istorya sa adlaw-adlaw naggikan sa mga komunidad nga amon ginaserbisyuhan sa bug-os nga pungsod.
Sa putukputukan sang Martial Law, ang Bombo Radyo Philippines amo lamang ang provincial radio network nga direkta nga nagadul-ong sang balita naggikan sa Malacañang kag Metro Manila sa mga tigpalamati sa mga probinsya.
Sa acceptance speech ni Bombo Herman Basbaňo para sa BEST RADIO NETWORK AWARD sa Pro Patria Journalism Awards, iya ginhatagan sang pasidungog ang mga obra ni DR. ROGELIO M. FLORETE.
Suno diri, “At the heart of this journey is the visionary leadership of DR. ROGELIO M. FLORETE, the Chairman of the Florete Group of Companies, a diversified conglomerate with business interests in media—through Bombo Radyo Philippines—banking, bulk water supply, property development, pawnshop and jewelry, aquaculture and agriculture, among others.
Apang labaw pa sa pagkilala, ang pinakadako nga legasiya ni Dr. Florete amo ang kultura nga iya gintukod sa sulod sang Bombo Radyo: kultura sang disiplina, integridad, kaluoy, kag pagserbisyo.
Sa pagpanguna ni Dr. Rogelio M. Florete, nagsangkad ang Bombo Radyo sa bug-os nga pungsod samtang nagapabilin nga nakasandig sa lokal nga realidad.
Ang Bombo Radyo Philippines network ang nangin labaw pa sa mga broadcaster — nangin mga kaupod sila sang mga komunidad, mga first responders sa tion sang mga kalamidad, kag may mga plataporma para sa public accountability sa idalom sang the principle of FAST FIRST AND RIGHT.
Suno pa kay Bombo Herman Basbaño, ang pasidungog nga RADIO NETWORK OF THE YEAR AWARD, ang indi lamang iya sang network, kundi isa man ka pagkilala sa dedikasyon ni DR. ROGELIO M. FLORETE, ang Kapitan sang Industriya.
