Ginasaulog subong, Hulyo 6, 2026, sang Bombo Radyo Philippines ang maragtason sini nga ika-60 nga anibersaryo—anum ka dekada sang padayon kag wala untat nga pag-alagad sa pumuluyong Pilipino pinaagi sa matutum/dekikado, madasig, kag masaligan nga pagbalita.
Halin sang natukod ini sang Hulyo 6, 1966 sang visionary founder nga si Don Marcelino M. Florete Sr., kag subong sa pagpamuno ni DR. ROGELIO M. FLORETE, Chairman sang Bombo Radyo Philippines, nag-uswag ang Bombo Radyo halin sa isa ka estasyon pakadto sa pinakamalig-on kag pinakasaligan nga radio network sa Pilipinas.
Sa karon, may yara ini sang 32 ka bug-os nga digitalized AM kag FM stations sa 25 ka nagapanguna nga syudad kag probinsya sa bug-os nga pungsod.
Sa sulod sang anum ka dekada, nangin kabahin na sang adlaw-adlaw nga kabuhi sang milyon-milyon nga Pilipino ang Bombo Radyo.
Sa tion sang kalamidad, eleksyon, krisis, kag bisan sa mga tion sang pagsinadya, padayon ini nga nangin una nga ginakuhaan sang balita, impormasyon, komentaryo, kag serbisyo publiko.
Labaw pa sa broadcasting, padayon man nga ginapakita sang Bombo Radyo ang dedikasyon sini sa pag-alagad pinaagi sa mga programa nga nagahatag direkta nga bulig sa katawhan, kaangay sang BOMBO MEDICO, nga nagahatag sang libre nga medical, dental kag optical services; DUGONG BOMBO, ang nationwide bloodletting campaign; kag BOMBO MUSIC FESTIVAL, nga nagapalig-on kag nagasuporta sa Original Pilipino Music.
Madamo man sang dungog kag pagkilala ang nabaton sang Bombo Radyo Philippines.
Lakip diri ang pagkilala sa Bombo Network News bilang Best News Program sang Catholic Mass Media Awards sang 2024 kag 2025, kag ang pagkalila bilang Radio Network of the Year sa 2026 Pro Patria Journalism Awards sang Rotary Club of Manila.
Sa pagsaulog sang ika-60 nga anibersaryo, liwat nga ginapasalig sang Bombo Radyo Philippines nga magapadayon ini bilang numero uno kag pinamakasaligan nga source sang balita kag impormasyon kag nagahatag sang balanse nga komentaryo, patas nga pagbalita, kag makahulugan nga serbisyo publiko para sa kada Pilipino.
Sa sulod sang 60 ka tuig, isa lamang ka ngalan ang padayon nga kaupod sang pumuluyong Pilipino—Bombo Radyo Philippines.
Isa ka ngalan nga matuod nga nangin “A Way of Life for Filipinos.”
