Ginpasidunggan sang Outstanding Radio Station Award ang Bombo Radyo Philippines sang Publishers Association of the Philippines, Inc. (PAPI).
Ang award ang ginakabig nga pagkilala sa wala nagatahaw nga commitment sang Bombo Radyo sa pagpalab-ot sang patas, balanse kag masaligan nga news reporting.
Ang Award ang ginpresentar sa Bombo Radyo Philippines sa 27th National Press Congress nga ginpatigayon sa Fort Ilocandia Resort Hotel sa Laoag City sang Desyembre 11, 2023.
Sa paghatag sang award, ginakilala ang patas, balanse, objective kag extensive nga pagbalita kag mga komentaryo nga naka-angkon sang pagkilala, respeto kag loyal subscription sang mga audience nationwide bisan pa sa luwas sang pungsod.
Ang prestihiyoso nga award ang dugang nag nagapamatuod nga ang Bombo Radyo amo ang Number 1 and Most Trusted Radio Network in the Country.
Ang Bombo Radyo ang isa na sa nagapanguna sa broadcasting industry sa masobra lima ka dekada, pinaagi sa pag-operar sa 24 ka mga key areas dala ang fully digitalized operations sang 31 ka mga AM kag FM stations.
Ang track record sang network ang nagatindog nga testamento sa papel sini bilang palaagyan sang pagbag-o, wala pagtahaw nga dedikasyon sa paglagas sang kamatuoran kag paghatag sang wala nagatahaw nga pagserbisyo sa mga Pilipino.
Ang Outstanding Radio Station Award ang ginhatag bangod man sa indi matawaran nga kontribusyon sang Bombo Radyo sa media landscape kag nagaserbe nga pagkilala sa dedikasyon kag kapisan sang team sa pagdeliver sang kalidad nga balita kag content.
Ang award ang magapasanyog pa sa commitment sang Bombo Radyo sa maayo nga pagbalita kag sa impact sini sa media industry sa pungsod.
Apisar nga ang Publishers Association of the Philippines, Inc. (PAPI) ang nakafocus sa publications kag print, samtang ang specialization naman sang Bombo Radyo Philippines ang yara sa radio broadcasting, ang pagkilala ang nagapakita sang dako nga pagkilala kag dedikasyon sa good journalism kag professional broadcasting.
Ini ang simbolo man sa ulupod nga pagtrabaho sang nagkalainlain nga media platforms sa parehas nga tinutuyo, ang magserbe sa publiko pinaagi sa paghatag sang masaligan nga mga impormasyon.
Ang Publishers Association of the Philippines, Inc. (PAPI) ang ginakilala nga “largest media fraternity” sa pungsod, nga ginabug-usan sang mga publishers gikan sa kapin 500 nga community newspapers sa mga rehiyon kag probinsya, kalakip na ang pila ka national publications bilang ila regular nga miyembro.
