Wala nagpa-ulihi ang mga programa sang Bombo Radyo kag Star FM sa mga ginhatagan pagkilala sa bag-o lang natapos nga 41st Catholic Mass Media Awards (CMMA) nga ginhiwat sa Teatro ng GSIS, GSIS Headquarters Bldg., Financial Center, Roxas Bld., Pasay City kagab-i.
Madamo nga mga programa sang Bombo Radyo kag Star FM stations ang nalakip sa mga finalists sa mga nagkalain-lain nga kategorya.
Sa Best Radio Ad category, nangin finalist ang water conservation (Star FM Manila); Mamasapano Massacre (Bombo Baguio); Mother’s Day (Star FM Manila) Feast of the Black Nazarene ( Star FM Manila); Lolo, Lola we love you ( Star FM Davao); Jueves Santo (Star FM Davao); Bombo News & Views AM Ed ( Bombo CDO) para sa Best News Feature ; kalakip naman sa Best Entertainment Program ang Bombo Music Festival (Bombo Iloilo) kag Good Morning Phils. (Bombo Gensan).
Finalist man sa Best Public Service Program ang Bombo Medico (Star FM Iloilo); Best Counselling Program ang Kahapon Lamang (Bombo Iloilo); Best Educational Program ang Bombo Lifestyle (Bombo Iloilo) kag Doctor Bombo (Bombo Baguio); Best Drama Program ang Requerdos dela Vida (Bombo Cauayan); Messiah (Star FM Mla); Genesis (Star FM Mla).
Yara man ang Bombo News & Views AM Ed (Bombo Dagupam); Bombo Newes & Views AM Ed (Bombo Iloilo); Bombo News & Views PM Ed (Bombo Iloilo); kag Best Business Program ang Negosyo at Empleyo sang Bombo La Union kag Bombo Baguio.
Samtang nagpauli nga madinalag-on ang Bombo Iloilo matapos ginkilala nga Best Educational Program ang ila Bombo Lifestyle; Best Drama ang Genesis sang Star FM Manila kag Best News Feature ang Jueves Santo (Star FM Davao) samtang nakabaton naman sang Special Citation for News Feature ang Mother’s Day sang Star FM Manila.
