Ang iban nga mga kompaniya ang nagahatag sang bonus santo sa ila performance.
Pinasahi naman ang ginabasehan sang isa ka paper company sa Guangdong, China, bangod indi performance kundi nakabasi sa kalayuon sang gindalagan sang ila nga empleyado.
Suno sa chairman nga si Lin Zhiyong, matumod ang bonus sang empleyado sa kalabaon sang ila nadalagan kada bulan.
Kinahanglan sang mga ini mag-log sang 62 miles kada bulan kun luyag nila makakuha sang annual bonus nga nagabalor sang 130 percent sang ila monthly salary.
Makakuha sila sang annual bonus nga katumbas sa isa ka bulan nga sweldo kun makadalagan sila sang 31 miles kada bulan.
Samtang, ang mga hardcore runners naman makakuha sang libre nga pares sang running shoes kun makadalagan sila sang 31 miles kada bulan kag matayuyon ini sa anum ka bulan.
Sa mga makadalagan lamang sang 19 miles kada bulan, entitled sila sang tuigan nga bonus nga nagabalor sang 30 percent sang ila bulanan nga sweldo.
