Ginpahayag sang gobernador sang Negros Occidental nga lantawon pa sang provincial government ang pondo agud mahibaluan kun tagpila ang bonus nga ihatag sa mga empleyado sang probinsya.
Suno kay Negros Occidental Governor Eugenio Jose “Bong” Lacson, lantawon pa ang pondo kag ipanagtag man gilayon sa mga empleyado sa tion nga may GO signal na.
Madumduman nga nagpagwa ang Department of Budget and Management sang circular nga nagapahanugot sang temprano nga pagrelease sang year-end bonus kag cash gift sa mga empleyado sang gobyerno.
Suno sa DBM, sarang ma release ang nasambit nga mga benepisyo sumugod sa una nga payroll sang bulan sang Nobyembre.
Suno sa gobernador, magapakig-angot pa ini sa finance sang probinsya kun pila ang kantidad nga sarang nga mahatag sa mga empleyado sang provincial government.
