SA PATAG SANG HINAMPANG… Ginpaanggid sang presidente sang Samahang Weightlifting ng Pilipinas sa “bilog ang bola” ang sitwasyon sa basketball bangod nga indi masiguro ang lakat sang hampang.
Kaina sang aga, nagdaog ang Miami Heat batok sa Boston Celtics sa Game 7 sang NBA Eastern Conference Finals sa score nga 103-84.
Sa interview sang Bombo Radyo kay former Congressman Monico Puentevella, ginlampaso sang Miami Heat ang Boston Celtics sa homecourt sang Boston.
Suno diri, nangin hero sang game ang players sang Miami nga sanday Kyle Lowry, Duncan Robinson kag Caleb Martin, apang para sa iya, si Martin ang MVP sang game nga nagpadaog sa team.
Pahayag ni Puentevella, sa palaabuton nga Biyernes, alas 8:30 sang aga oras sa Pilipinas, maga-atubangay ang Miami Heat kag Denver Nuggets para sa NBA finals.
Ginakahangaw-an ni Puentevella bangod isa ka challenging player si Nikola Jokic sang Denver Nuggets.
Samtang, aminado naman ini nga yara sa Miami ang suporta sini ilabi na sa coach sang team nga si Erik Spoelstra nga isa ka Filipino-American professional basketball coach nga nagikan diri sa pungsod Pilipinas.
