Nag-umpisa na ang Business Permit and Licensing Office (BPLO) sa paglibot sa mga establishment sa ciudad sang Bacolod para tsekyaron kun sin-o ang nagacomply sa pagkuha sang business permit.
Suno kay Stela Rose Rayos, head sang Business Permit and Licensing Office, sang natapos na ang Business One Stop Shop, nag-umpisa sila sa paglibot sa mga establishment sa palibot sang Bacolod City Government Center.
Suno diri, kun may yara sila sang madakpan, padal-an nila ini sang first notice kag hatagan sang tatlo ka adlaw para makacomply, apang kun wala sa gihapon, mahatag naman sila sang second notice kag may yara sang 15 ka adlaw nga ihatag para magprocess sang permit ang business owner.
Apang kun wala pa gid, mahatag sang recommendation ang BPLO sa City Legal Office kag ang CLO na ang mapasira sang establishment.
