Nagpasalig ang acting branch manager sang National Food Authority (NFA) Negros Occidental nga maayo kag fit para sa human consumption ang bugas nga ila ginapanagtag sa mga manunudlo kag empleyado sang gobyerno santo sa mandato ni President Ferdinand “Bongbong” Marcos Jr.
Suno kay Glenda Paz, 5,846 bags na sang bugas ang ila napanagtag sa mga empleyado sang gobyerno sa probinsya ukon 73 percent sa mga government employees na ang nakabaton sang 25 kilos sang bugas.
Natalana naman nga ipanagtag ang rice allowance sang mga manunudlo sang Bacolod City National High School kun sa diin ang principal amo si Bacolod City Public School Teachers Federation president Richard Gelangre.
Suno kay Paz, madamo sang mga nagareklamo nga infested ang bugas nga ginhatag sang NFA sa pila ka mga benepisyaryo gani ila ginpakita ang itsura sang bugas kag ang output sang ini ang natig-ang na.
Suno sa iya, sila ang nakaistoryahanay na ni Gelangre kag naathag na ang ila bahin.
Suno diri, ang bugas nga ila ginapanagtag ang locally produced kag nagikan sa Palay Procurement Program.
Suno diri, pagsulod sini sa bodega sang NFA, ini ang mixed varieties.
May yara man sang quality control sa ila ahensya nga nagatsekyar sang bugas, may ginapatuman nga control measures sa bodega kag may maayo nga warehouse keeping kag sanitation.
Hugot nga nagapanindugan si Paz nga ang edible ang bugas nga ila ginapanagtag, maayo ang kalidad kag makaon gid sang tawo.
Luyag sini nga mahibaluan sang tanan nga locally produced ang bugas kag ginpangabudlayan sang mga mangunguma gani dapat ini ang i-appreciate.
