Pormal na nga gin-anunsyar ni Neymar ang iya pagretiro sa paghampang para sa Brazil national football team matapos ang kapaslawan sa FIFA World Cup batok sa Norway.
Sa isa ka emosyonal nga pahayag matapos ang 4-2 nga kadalag-an sang iya koponan nga Santos kontra UCV sang Venezuela sa Copa Sudamericana sang Martes, ginpahayag sang 34-anyos nga football star nga tapos na ang iya tion sa national team.
Matapos ang halos tatlo ka tuig nga pagkadula sa national team, liwat nga nalakip si Neymar sa World Cup squad sang Brazil sini nga tuig.
Apang, nakahampang lamang siya sang 37 ka minutos sa duha ka match.
Indi nangin supisyente ang iya naga-isahanon nga goal, nga isa ka penalty kick, agud makuha ang abanse batok sa Norway.
Bangud sini, emosyonal niya nga gindeklara nga magaretiro na ini.
Sa karon, nagapabilin nga kabahin si Neymar sang Santos, kun sa din may kontrata ini tubtob sa katapusan sang tuig samtang ginatinguhaan sang iya team nga makalikaw sa relegation.
