Nagpirma sang anum ka bulan nga kontrata ang Brazilian professional footballer nga si Neymar da Silva Santos sa Brazilian club nga Santos Football Club kun sa diin nag-umpisa ang iya career.
Suno kay Santos vice-president Fernando Bonavides, sa inisiyal, tubtob lang sa anum ka bulan ang kontrata apang ila ihatag ang tanan nga ila ikasarang agud mapatinir si Neymar sa ila nga team.
Suno pa diri, ginalauman nila nga magtinir si Neymar tubtob sa World Cup sa masunod nga tuig.
Ang 32 anyos nga former Barcelona kag Paris Saint-Germain forward nagbalik sa Santos team matapos ang pito sini ka hampang para sa Al Hilal team sang Saudi Arabia apisar sa salary nga kapin sa $104 million ukon ₱6,099,080,728 kada tuig.
Nagsulod ang all-time top scorer sang Brazil sa team sang Al Hilal sang Agosto 2023, kasunod sa fellow superstars nga sanday Cristiano Ronaldo kag Karim Benzema.
Apang, matapos ang duha ka bulan nga pag-abot sini sa Riyadh, nag-angkon sang injury sa tuhod si Neymar samtang nagahampang para sa Brazil sa 2026 World Cup qualifier kag nagsuprer sang hamstring kag knee injury sang nagtinguha ini nga magbalik sa game.
