BREAKING NEWS!!! Bise Alkalde sa Ibajay, Aklan, patay matapos ginluthang sang SB Member sa sulod sang Sangguniang Bayan Office

Ginbawian sang kabuhi ang bise alkalde sa Ibajay, Aklan, matapos nga ginluthang sa sulod sang opisina sang Sangguniang Bayan.

Si Vice Mayor Julio Estolloso, ang ginatudlo nga ginpatay ni Sangguniang Bayan Member Mihrel Senatin, nga yara na sa karun sa kustodiya sang Ibahay Municipal Police Station.

Lima ka lupok sang armas luthang, ang ginapahayag nga nabatian sang mga witnesses.

Sa inisyal nga imbestigasyon, nagpadulong sa Office of the Vice Mayor ang suspect kag may ginapangayo nga dokumento.

Dugang pa nga ginapahayag nga may dugay na nga indi paghangpanay sa tunga sang duha.

Sa karun padayun pa ang imbestigasyon sa nasambitan nga insidente.