BREAKING NEWS: Joe Biden, indi na magdayon sa re-election bid bilang Presidente sang Amerika

Gin-anunsyar ni US President Joe Biden nga magapa-iway na lamang ini sa iya re-election bid batok kay former US President Donald Trump.

Sa isa ka statement nga ginpagwa ni Biden paagi sa social media platform nga X, ginpahayag sini nga dako nga honor para sa iya nga magserbi nga Presidente sang Estados Unidos.

Sa karun siya ang nagarecover sa COVID-19 sa iya beach house sa Delaware.

Suno diri, apisar nga intensyon sini nga liwat nga magpapili, nagapati ini nga mas maayo para sa iya partido kag pungsod nga magpaiway kag magfocus na lamang sa pagfulfill sang iya duties bilang Presidente sa nabilin sini nga termino.

Suno diri, siya ang magapatigayon sang address subong nga semana natuhoy sa dugang nga detalye sang iya desisyon.