Brgy Biak-na-Bato sa La Castellana, naka-eksperyensya sang ashfall gikan sa Bulkan Kanlaon

Ginkumpirmar sang Punong Barangay sa Barangay Biak na Bato, La Castellana, Negros Occident nga may yara man sang nagatupa nga abo gikan sa Bulkan Kanlaon sa ila barangay kasunod sang narecord nga ash emissions.

Sa interview sang Bombo Radyo Bacolod kay Punong Barangay Joselito Martinez, maayo man ang sitwasyon sang mga pumuluyo apisar sang ash emissions sang bulkan.

Suno kay Martinez, diutay lamang nga mga abo ang nagatupa sa ila nga barangay ukon indi tuman kadamol.

Suno diri, wala man sang abo nga nagatupa sa suba kag wala man sang paghubas sang tubig.

Wala naman nila ginapaimnan ang mga tubig sa lugar.

Nakapapreparar man ang barangay sa bisan ano nga mahimo matabo.