Brgy Ginebra power forward Justin Brownlee, nakahimo sang career best sa pagbubo sang 51 points sa paghampang batok sa San Miguel Beermen

Nahimo ni Justin Brownlee ang iya career best matapos nga natipon ini sang 51 points sa hampang sang Barangay Ginebra batok sa San Miguel Beermen, sa score nga 108-102, sa PBA Governors’ Cup.

Magluwas sa pag-score sang 51 points, nakahimo man ini sang 13 rebounds, five assists, kag six steals.

Bangud sini, nag-improve ang Gin Kings sa 1-1 sa Group B sang conference samtang ini naman ang una nga kalutusan sang Beermen matapos ang duha ka asod-asod nga daog.

Nanguna naman si Jordan Adams para sa San Miguel sa iya natipon nga 23 points.