Gindagdagan sang tatlo ka bulan nga suspenion without pay sang Office of the Ombudsman ang Punong Barangay, Barangay Kagawad kag Barangay Treasurer sang Barangay 7, Bacolod City.
Ini ang ginkumpirmar ni Brgy Kagawad no.6 Zaldy Bautista, nga kapin alas- 3:00 sang hapon kahapon, nag-abot ang personnel sang Department of the Interior and Local Government (DILG) kag nagserbe sang suspension order.
Sa mahibaluan nga ginreklamo ni Cresenciano Torres sanday Punong Barangay Hercy Sibug, Barangay Kagawad Bernabe Sibug kag Barangay Treasurer Edmar Base.
Ang tatlo ang administratively liable sa Conduct Prejudicial to the Best Interest of the Service, Grave Abuse of Authority kag Grave misconduct.
Sa interview sang Bombo Radyo kay Bautista, kahapon wala sa brgy ang tatlo nga gindagdagan sang suspension order kag ini ang ginpadangat lang sa ila.
Temporaryo naman nga magapungko bilang Officer in Charge si no.1 kagawad Jake Arenas.
Sa karun, suno kay Bautista, bukas kag padayon ang trabaho sa brgy hall para magserbe sa mga pumuluyo.
