Brgy Tanod sa Brgy 10, Bacolod City, dakop sa drug buybust operation sang Bacolod CDEU

Arestado ang Barangay Tanod sa Barangay 10, Bacolod City matapos makuhaan sang masobra P300,000 nga balor sang illegal nga druga.

Ang suspetsado ang ginkilala nga si Mario Cordova alyas ‘Toto’, 36 anyos, single, nagatrabaho bilang brgy tanod kag ebike driver, residente sang Purok Magti-ayon, sa nasambit nga Brgy kag ginakabig nga High Value Individual.

Naaresto si Cordova sa drug buy bust operation nga ginpatigayon sang Bacolod City Drug Enforcement Unit.

Nakuha sa paghinakop sini ang kapin sa 50 grams sang suspected shabu nga may standard drug price nga P340,000.

Sa karun nakahunong na si Cordova kag magapangatubang sang kaso sa paglapas sa Section 5 kag 11 sang Comprehensive Dangerous Drugs Act of 2002.