Gin-athag sang secretary-general sang Alliance of Concerned Teachers sa ciudad sang Bacolod nga wala man sang ginalapas nga pagsulundan ang pagdonate sang mga stakeholders sang mga kinahanglanon sa Brigada Eskwela.
Ang Brigada Eskwela ang nag-umpisa subong nga adlaw, Hulyo 22 kag magatakop sa Hulyo 27.
Sa interview sang Bombo Radyo Bacolod kay Grace Abellar, nakaandan na kag kabahin na sang tradition sang Department of Education ang pagpatigayon sang Brigada Eskwela antes ang pagbukas sang klase.
Suno kay Abellar, kadungan sang Brigada Eskwela ang mga manunudlo ang nagapakig-angot sa mga ginikanan kag stakeholders agud nga magbulig paagi sa pagdonate kaangay lamang sang pinta.
Suno diri wala man sang problema kun nagvolunteer ang isa ka stakeholder sa paghatag sang mga nga kinahanglanon sa Brigada Eskwela.
Suno diri, kun may ihatag, maghatag lamang bangud nagabaton sang donation ang mga manunudlo kag wala man sang pilitay.
