Ginpanindugan ni Brigadier General Orlando Edralin nga may koordinasyon ang Philippine National Police kag Philippine Army paagi sa paghatag sang militar sang intelligence operatives kag padayon pa sa karon ang operasyon sang mga ini sa Calatrava.
Apang bangud malapad man ang banwa suno sa iya, indi ini masakop sang militar.
May yara man sang intelligence officers ang Philippine National Police.
Suno kay Edralin, tinguhaan nila nga mapasabat ang mga natungdan.
Suno diri, makapalagyo ang mga rebelde apang indi sila makapanago.
Ginpasalig man sang Army official nga himuon nila ang tanan agud nga mahatagan sang hustisya ang magtiyo nga sanday Felix kag Eliseo Resutai sa Sitio Ikugan, Barangay Minapasuk, Calatrava.
Kadungan sini, ginpanginwala ni Edralin nga asset sang milotar ang magtiyo kundi lunsay lang ini alegasyon sang rebelde nga grupo.
Nahibaluan nga gintayaan man sang mga rebelde sang armas kag ginpahog ang mga himata sang magtiyo antes sila ginpatay.
