Lauman nga may yara sang power interruptions sa sakop sang Mountain View substation sa ciudad sang Bacolod subong nga adlaw.
Sa interview sang Bombo Radyo Bacolod kay Engr Leomel Tambanillo, Assistant Vice President for Planning and Business Operation sang Negros Power, kahapon may yara sang power interruptions nga naeksperyensyahan sa Gonzaga substation humalin alas- 6:00 sang aga tubtob alas- 6:00 sang gab-i.
Suno diri, may yara sang maintenance nga ginpatigayon sa pag-upgrade sa mga equipments, pagtakod sang automatic circuit recloser kag pag-upgrade sa monitoring sa feeder.
Naapektohan ang masobra sa 13,000 ka mga consumers sa ciudad halin sa bahin sang Gonzaga st, Bugros Hilado st, kag Donya Juliana st.
Subong nga adlaw may yara sang power interruptions sa Mountain View substation para islan ang mga daan na nga insulators, pagbutang sang covers agud maprotektahan ang linya sang kuryente kag malikawan ang animal intrusion para mapanubo ang unscheduled outages.
Pahayag ni Tambanillo, naintindihan sini ang nabatyagan sang mga consumers apang ila ginahimo ang tanan para mahatag ang maayo nga serbisyo sa palaabuton
