Ginalauman nga sa 2025 nga madeliver na ang bag-o nga guided missile corvettes sang Pilipinas nga himo sa South Korea suno sa Department of National Defense (DND).
Apang antes sini, igapaidalom anay sa sea trials kag outfitting ang barko nga BRP Miguel Malvar nga ginkuha sa pangalan sang maisog nga Pilipino nga revolutionary general nga si Gen. Miguel Malvar.
Ang BRP Miguel Malvar ang una sa 2 guided missile corvettes nga ipadala sa pungsod samtang ang isa naman ang ginalauman nga igadeliver sa 2026.
Ginbase naman ang desinyo sang bag-o nga missile corvettes sa HDC-3100 convert sang Hyundai Heavy Industries (HHI) apang ginbag-o agud nga magsanto sa requirements sang Philippine Navy.
Ini ang may kalabaon nga 118.4 meters, may kasangkaron nga 14.9 meters, masarangan nga maglayag sa kadasigon nga 15 knots sa 4,500 nautical miles kag top speed nga 25 knots.
Wala naman gindetalye ang combat system sang BRP Miguel Malvar apang may yara sang advanced weapon systems ang nasambit nga war ship kaangay sang anti-ship missiles, vertical launch systems kag state-of-the-art radar.
