Ginreport ni Philippine Coast Guard spokeperson for the West Philippine Sea Commodore Jay Tarriela nga wala sang napilasan nga personnel nga sakay sang barko sang Philippine Coast Guard nga BRP Teresa Magbanua matapos direkta kag hungod nga ginbungguan sang China Coast Guard 5205 sa Escoda shoal kahapon, adlaw.
Sa isa ka media briefing, ginpahayag ni Commodore Tarriela nga nagpatigayon sang delikado nga maniobra ang nasambit nga Chinese vessel sa pihak sang unprovoked action sang PCG vessel samtang naglayag ini sa Escoda shoal.
Ang tikang ang nakakuha sang atensyon nagikan sa nasambit nga CCG kag Chinese maritime militia vessels nga yara sa lugar bangud mas madamo nga barko sang China Coast Guard ang nag-abot kag mas madamo nga Chinese maritime militia vessels man ang nagasuporta sa ila maritime forces para palibutan ang BRP Teresa Magbanua.
Ang pagbunggo sang CCG vessel sa BRP Teresa Magbanua ang nagtuga sang kahalitan sa may bridge wing kag sa may port bow.
Sang takna alas 2:59 sang hapon, nahulog man ang anchor sang BRP Teresa sa sulod man sang Escoda shoal.
Magapadala naman ang PCG sang grupo padulong sa BRP Teresa Magbanua agud hibaluon ang kahalitan sang BRP Teresa Magbanua agud masiguro ang seaworthiness sini.
Samtang, suno kay Commodore Tarriela, ini na ang ikalima nga maritime incident sa West Philippine Sea sa tunga sang mga barko sang Pilipinas kag China subong nga bulan sang Agosto.
Ini naman ang una nga kahigayunan nga ginpunterya mismo sang Chinese vessel ang BRP Teresa Magbanua sumugod sang nag-abot ini sa Escoda shoal sadtong Abril sang subong nga tuig.
