Ginpakigbahin sang asawa sang retired American actor nga si Bruce Willis nga padayon nga aktibo ang iya bana apisar sa ginasuprer sini nga frontotemporal dementia nga naga-apekto sa iya kasarang para maghambal.
Suno kay Emma Heming Willis, sa kabug-usan, maayo ang physical health ni Bruce apang mabudlay na sa iya para maghambal bangod sa iya kondisyon.
Suno diri, sa karun natun-an na nila mag-adapt kun paano magkomunikar kay Bruce.
Apisar sa kabudlayan, may yara sang tion nga nagagwa ang personalidad ni Bruce.
Pa-athag sini, indi inadlaw, apang magamay lang nga tion kaangay na lamang kun kaisa mabatian nila ang pagkadlaw ni Bruce kaangay sadto kag kun kaisa makita man nila ang yuhum sini nga masami niya ginahimo sang wala pa siya nagasuprer sang dementia.
Apang, makita lang ini nila sa madali nga tion.
Madumduman nga sang tuig 2022, nagdesisyon si Bruce nga magretire sa pag-acting bangod sa brain disorder nga ginatawag nga aphasia.
Tuig 2023, ginreveal sang pamilya sang aktor nga na-diagnosed si Bruce sa frontotemporal dementia.
