Ginkumpirmar sang Bacolod Traffic Authority Office (BTAO) nga may yara sang lima ka mga traffic lights nga inug-dugang sa ciudad.
Sa interview sang Bombo Radyo Bacolod kay BTAO head Lt. Col. Luisito Acebuche, ginpahayag sini nga nakagwa na sa bids and awards committee ang proposal kag nahulat na lamang karon nga aprubahan ni Mayor Evelio “Bing” Leonardia.
Suno diri, sa lima ka mga traffic lights, apat pa lang posible ang una nga itakod.
Nakatalana nga butangan sang mga traffic lights ang Alijis-Hernaiz Streets; Mansilingan-Alijis Road; Mabini-Gonzaga Streets; Bacolod City National High School kag North Capitol Road-Lacson St.
Nahibaluan nga may pondo nga P5 million ang mga bag-o nga traffic lights.
Sa karon suno kay Acebuche may yara sang kabug-usan nga 25 ka mga traffic lights sa Bacolod.
Ginpaathag man sini nga apisar may yara sang traffic lights, dapat butangan man sa gihapon sang traffic enforcers agud magbantay sa mga pasaway nga driver
