Gindesignar si Bacolod City Legal Officer Atty. Romeo Carlos Ting Jr. bilang temporaryo nga officer in charge sang Bacolod Traffic Authority Office (BTAO).
Suno kay Ting, siya ang nagpungko bilang OIC humalin sang Hulyo 29 nga magalawig tubtob sa Agosto 15 samtang naka-leave si BTAO head Patrick Leonard Lacson.
Suno diri, caretaker lamang ini sang BTAO samtang wala pa si Lacson kag yara man si BTAO deputy head Jose Antonio ‘Jojo’ Robello nga maga-upod sa iya sa pagmonitor sa operations sa BTAO.
Luyag naman sini sa karun nga isaylo sa Bacolod City government ang paggawad sang ginkumpiskar nga driver’s license nga mas mahapos para sa mga driver kun ikumparar nga sila ang magapadulong pa sa Brgy. Alijis kun diin nahamtang ang Bacolod Traffic Authority Office.
