Nagahingyo ang pinuno sang Bacolod Traffic Authority Office (BTAO) nga maislan sang bag-o nga set sang traffic light ang intersection sa Lizares – Lacson Streets matapos ginkawat ang control panel sini.
Suno kay Police Major Junji Liba, wala nagaandar ang traffic light sa nasambit nga intersection angud ginkawat ang control panel sini sang tinalikdan nga semana.
Suno kay Liba, sila ang nagpatigayon na sang imbestigasyon apang wala sa gihapon sang lead ang otoridad kun sin-o ang may kahimuan sini bangud wala sang CCTV sa lugar.
Suno diri, sa 28 ka mga traffic light sa ciudad, 26 lamang ang nagafunction bangud ang isa amu ang naguba sa Lizares-Lacson Streets kag ang isa naman ang nahamtang sa Bacolod Police Station 6 kag wala ginagamit.
Nagalaom ini nga mahatagan ini sang budget kag marequesan sang bag-o.
May lima naman ka bag-o nga traffic lights nga ginapaabot kag igahamtang sa Cegasco, Alijis, San Antonio, Burgos-San Juan kag Bangga Escala.
