Ginpahayag sang deputy head sang Bacolod Traffic Authority Office nga ila ginafocusan ang mga malls kag markets nga ginalauman makaeksperyensya sang paggutok sa karun nga Christmas season.
Sa interview sang Bombo Radyo Bacolod kay Jose Antonio “Jojo” Robello, ila pagafocusan ang mga lugar kun sa diin masami nga naga-shopping ang mga tawo kasubong man ang simbahan.
Suno diri, sa tion sang Christmas break ang personnel nga na-assign sa mga buluthuan ang temporaryo nga i-assign sa mga lugar nga ginalauman may paggutok sa lakat sang trapiko.
Suno pa diri, kun may yara man sang event ukon okasyon, extended ang duty hours sang mga officers kag enforcers kag kun kaisa may yara man sang ginapatuman nga mga road closures.
Sa karun, normal pa lamang ang dalagan sang trapiko sa ciudad apang may yara sang mall nga naga-eksperyensya na sang pagginutok.
