Ginklaro sang Bacolod Traffic and Transport Management Department (BTTMD) nga sarang makakumpiskar sang driver’s license ang mga gin-deputize nga Barangay Tanod.
Madumduman nga may kapin 100 ka mga tanod gikan sa nagkalain-lain nga barangay sa Bacolod City ang gin-deputize sang BBTTMD.
67 ka mga tanod gikan sa Barangay Tangub, Alijis, Banago, Vista Alegre, Bata, Pahanocoy Handumanan,kag Upper East Personnel ang na-deputize kahapon kag may 40 ka iban sang nakaligad nga bulan.
Sa interview sang Bombo Radyo kay Atty Reuben Sabig, officer in charge sang BTTMD, ginpahayag sini nga santo sa City Ordinance, may ara sila sang gahum nga magpatuman sang traffic rules nga dako nga bulig para sa BTTMD.
Ang mga ini ang igatrain sa sulod sang isa tubtob duha ka adlaw.
Paathag sini nga ang mga deputized barangay tanod ang sarang maka-isyu sang citation tickets kag makakumpisar sang drivers license ilabi na kun mabug-at ang violation.
