Ginkumpirmar ni Bacolod Traffic and Transport Management Department ( BTTMD) Head Atty Reuben Sabig nga wala sang ipatuman nga towing sa tion sang Masskara Festival 2026, luwas lang kun kinahanglanon.
Suno kay Sabig, ginalauman nga madamo sang mga festival goers kag posible nga ang mga ini ang indi pamilyar sa traffic regulation sang ciudad kag wala sang ihibalo kun diin ang towing areas.
Suno sa BTTMD Head, ila ipatuman ang ‘maximum tolerance’ kag mahimo nga sila ang ma-warning sangsa i-tow gilayon ang salakyan.
Apang suno kay Sabig, kinahanglan gid i-tow ang mga salakyan nga nagabalagbag sa dalan ilabi na sa alagyan sang mga Streetdance and Arena Competition dancers.
Sa karun, kinahanglan nga ipasa sang BTTMD ang final traffic plan sa Sangguniang Panlungsod para sa Streetdance and Arena Competition ilabi na nga bag-o ang ginhamtangan sang Arena Competition.
Sa Oktubre 1, pahayag ni Sabig nga magasugod na sila sa pagpatuman sang mga half road closure sa pila ka mga dalanon sa ciudad sang Bacolod.
