Ginalantaw sang presiding officer sang Sangguniang Panlalawigan sang Negros Occidental nga magadugay sang duha ka semana ang hearing angot sa proposed budget sang mga departamento kag opisina sa Kapitolyo para sa tuig 2022.
Kahapon nga adlaw, ginpatigayon na ang budget hearing sang Office of the Governor, Administrator’s Office, Provincial Treasurer’s Office, Human Resource Management Office, Provincial Engineer’s Office, Economic Enterprise Development Division, Mambukal kag Provincial Tourism Division.
May mga opisina man nga ginpaidalom sa budget hearing subong nga adlaw.
Suno kay Vice Governor Jeffrey Ferrer, ang dalagko lang nga departamento ang ipaidalom sa budget hearing.
Ginalantaw naman nga magadugay ini sang duha ka semana kaangay sang tinalikdan nga tuig.
Suno kay Ferrer, pagasundon sang SP ang timeframe sa approval sang 2021 budget agud may bastante nga tion ang kada departamento nga magpaathag angot sa ila nga proposed budget
