Nagikan sa P138 million, ginbuhinan sang PhilHealth ang budget sini para sa ika-30 nga anibersaryo sa “few hundred thousand pesos”.
Ini ang gin-anunsyar ni Philhealth President and Chief Executive Officer Emmanuel Ledesma Jr. sa hearing sang Senate Committee on Health and Demography sang Miyerkules matapos nga gincriticize sang mga Senador ang orihinal nga budget para sa event.
Suno kay Ledesma, sila ang nagaplano nga maggasto lamang sang ginatos ka libo ka pesos kag wala sang excessive spending.
Ginmanduan ni Senator Loren Legarda ang Philhealth nga magpasa sang isa ka report sa komitiba kun paano nagdangat sa P138 million ang budget.
Gincriticize naman ni Committee Chair Senator Bong Go ang state-run health insurer.
Suno kay Go, sila ang magagasto sang masobra P100 million apang ang mga Filipino amu ang makaluluoy.
Nagpanawagan man ini nga kuntani sila ang makonsensya.
