Sarang na nga makabakal sang well-milled rice ang mga konsumedor sa balor nga P45 sa pila ka mga Kadiwa Stores sumugod Agosto 1 suno sa Department of Agriculture.
Gin-anunsyar ni DA Assistant Secretary Arnel De Mesa ang opisyal nga paglunsyar sang Rice for All Program sang gobyerno nga may tinutuyo nga ibaligya ang bugas sa presyo nga mas manubo sang sa ginabaligya sa merkado.
Suno kay De Mesa, kun ikumparar ang presyo sang commercial well-milled rice nga imported, yara sa P51 tubtob P55 samtang ang local naman ang yara sa P45 tubtob P55.
Ang well-milled rice nga may presyo nga P45 kada kilo ang mangin available sa apat ka Kadiwa sites nga ginalakipan sang FTI Taguig, Caloocan, Barangay Potrero sa Malabon, kag Bureau of Plant Industry sa Manila.
Ang mga manugbakal ang limitado lamang sa 25 ka kilos kada isa agud malikawan ang hoarding sang rice stocks.
Suno kay De Mesa, ang stocks para sa well-milled rice nga igabaligya sa Kadiwa sites ang magagikan sa commercial stakeholders.
Magabaligya man ang nasambit nga sites sang premium rice sa balor ng P52 kada kilo.
