Nasulod sa eco-bag kag may umbilical cord pa ang lapsag nga ginbilin sa lobby sang opisina sa San Sebastian Church sa Bacolod City, kaina sang aga.
Sa interview sang Bombo Radyo kay Alyas Rona nga miyembro sang choir sang simbahan, alas 6: 30 kaina sang aga nanaog ini gikan sa third floor agud magbakal sang pamahaw kag nakita sini ang yellow eco-bag nga natongtong sa sofa apang wala sini ginsapak sa pagpati nga ginapanag-iyahan ini sang iya kaupdanan.
Naggwa ini apang sirado pa ang karinderya kag nagdesisyon nga magbalik na lang kag mag-order online.
Sa pagbalik sini, iya nakita nga naggiho ang bag kag nagpati nga kuring ang yara sa sulod, apang nakita sini ang kamot nga maputi kag iya ginkakibot nga isa ini ka lapsag.
Ang lapsag nga lalaki naghibi kag ginhingaw man ini ni Rona kugos, kag gintawag ang iya mga kaupdanan.
Ila man ini ginhangagaw dala sa City of Bacolod Lying -in and Birthing Home Center, agud mahingagaw utod ang umbilical cord kag indi na ma-infection.
Ang lapsag naputos sa lampien, may diaper kag sa sulod sang bag may bayo kag jacket sang iloy apang wala naman sang sulat nga ginbilin.
Sa karun ang lapsag yara sa kustodiya sang Department of Social-Services & Development (DSSD) kag paga-tsekyaron man sang simbahan ang ila CCTV footage.
